這個星期謙謙的口頭禪是『媽媽，我好掛住你！』及『爸爸，我好掛住你！』話說不知從何日開始，謙謙見不到媽媽時或媽媽正忙碌做家務無時間陪謙謙時，謙謙就會好可憐咁講：『媽媽，我好掛住你！快D出來陪我啦』；又話說媽媽放工接謙謙，當門打開謙謙見到媽媽時，謙謙又會扮個可憐樣，然後說：『媽媽，我好掛住你！』；又話說謙謙好開心咁返學前小組，返咗一陣唔見咗爸爸媽媽，就大哭咁叫『媽媽，我好掛住你！你喺邊呀？』，足足喊咗半個鐘；又話說教會户外崇拜完後，爸爸靜靜雞去小食部買嘢，謙謙唔見咗爸爸，又大哭咁叫：『爸爸，我好掛住你！』，結果又要志輝叔叔抱着謙謙去小食部找爸爸；又話說爸爸早上在公司收到保母電話，背景是謙謙的哭聲，原來是謙謙吃完蛋後無嘢做，想起爸爸媽媽，然後又大哭咁叫『媽媽，我好掛住你！爸爸，我好掛住你！auntie我哋搭車找爸爸同媽咪呀！』
其實爸爸媽媽每次聽到這句說話都會甜在心頭，爸爸媽媽深信父母與子女的關係是以愛心及時間所建立，願我們能夠以愛教養這可愛的小孩。
